Imge, समाचार » अमेरिकाले भन्यो–‘मत परिणाम स्वीकार्नुस्’

काठमाडौं, मंसिर ७ । अमेरिकाले एकीकृत माओवादीलाई निर्वाचन परिणामलाई स्वीकार गरी संविधानसभामा जान सुझाव दिएको छ । अमेरिकी राजदूत पिटर डब्लु. बोडीले आज बिहान एमाओवादी अध्यक्ष पुष्पकमल दाहाललाई भेटेर जनमतलाई स्वीकार गर्दै संविधानसभामा सहभागी हुन आग्रह गरेका हुन् ।

दाहालले आफूहरु शान्ति प्रक्रियालाई तार्किक निष्कर्षमा पुर्याउन प्रतिबद्ध रहेको तर त्यो भन्दा अघि निर्वाचन प्रक्रिया पुनरावलोकन गर्नुपर्ने आफ्नो मागको सम्बोधन हुनुपर्ने जिकिर गरेका बताइएको छ ।

यसअघि बिहीबार बिहानै भारतीय राजदूत रञ्जित रेले पनि दाहाललाई भेटी मत परिणामलाई स्वीकार गर्न आग्रह गरेका थिए ।

यसैगरी युरोपेली निर्वाचन पर्यवेक्षण नियोग र अमेरिकी पूर्व राष्ट्रपति जिम्मी कार्टरले पनि जनमतको सम्मान गर्न सुझाव दिएका थिए ।

0 comments

Write Down Your Comment