भिडियो समाचार » प्रारम्भिक नतिजा अनुसार कांग्रेस–एमाले बराबरी, एमाओवादी तेस्रो स्थानमा (भिडियो सहित)

काठमाडौं, मंसिर ५ । देशभर भइरहेको संविधान सभाको निर्वाचनको प्रारम्भिक नतिजा अनुसार अहिलेसम्म १९ क्षेत्र मध्ये नेपाली काँग्रेसले सात, नेकपा एमालेले सात र एकीकृत माओवादीले दुई स्थानमा अग्रता लिएका छन् । यस्तै संघीय सद्भावनाले एक, फोरम लोकतान्त्रिकले १ र तराई मधेश लोकतान्त्रिक पार्टी तमलोपाले एक स्थानमा अग्रता लिएका छन् ।


काठमाण्डौको क्षेत्र नम्बर १० मा नेपाली काँग्रेसका राजन केसीले अग्रता लिएका छन् । प्रारम्भिक मतपरिणाम अनुसार केसीले १३५१, एकीकृत माओवादीका अध्यक्ष पुष्पकमल दाहाल प्रचण्डले ११५१ र एमालेका सुरेन्द्र मानन्धरले १०५९ मत प्राप्त गरेका छन् ।


यस्तै काठमाडौ २ मा नेकपा एमालेका नेता माधवकुमार नेपालले अग्रता लिएका छन् । सो क्षेत्रमा काँग्रेसकी प्रतिमा गौतम दोस्रो र राप्रपा नेपालका उम्मेद्वार तेस्रो स्थानमा छन् भने एकीकृत माओवादीका लिलामणि पोखरेल चौथो स्थानमा छन् ।


काठमाडौ क्षेत्र नम्बर ४ मा नेपाली काँग्रेसका गगन थापाले फराकिलो मतअन्तरले अग्रता लिएका छन् भने दोस्रो स्थानमा एमालेका निर्मल कुइँकेल र तेस्रो स्थानमा एमाओवादीका नन्दकिशोर पुन छन् । काठमाडौ क्षेत्र नम्बर सातमा एकीकृत माओवादीकी हिसिला यमीले अग्रता लिएका छन भने क्षेत्र नम्वर ८ मा नेपाली काँग्रेसका नविन्द्रराज जोशीले अग्रता लिएका छन् ।

0 comments

Write Down Your Comment