समाचार » रगतमा असर गर्ने घातक मकैको नेपालमा परीक्षण

१३ पुस, काठमाडौं । अमेरिकाले सन् २००० मा आनुवंशिक परिवर्तन गरिएको (जेनेटिकली मोडिफाइड-जिएमओ) मकैको एक जात ‘बिटी कर्न’ खानलाई नभइ, दानालाई मात्र उपयुक्त हुने ठहर्‍याएको थियो । तर, खाने मकैमा पनि दानाका केही अवशेष फेला परेपछि अमेरिकी सरकारले बजारमा पठाइएका बिटी कर्न पुरै फिर्ता लग्ने निर्णय गर्‍यो । उक्त मकैमा पाईएको ‘बिटी टक्सिन’ ले मानिस लगायत स्तनधारी जनावरको रगतमा असर पार्ने अध्ययनले देखाएको थियो ।
अमेरिकाले बिटी कर्नमाथि कडा नीति लिएको नौ वर्षपछि त्यही जातको जिएमओ मकै नेपालमा ‘सफल परीक्षण’ गरियो ।
अमेरिकी संस्था वर्चेस्टर पोलिटेक्निक इन्स्टिच्युट (डब्लुपिआई) को एक अध्ययन-प्रतिवेदनमा ‘सन् २००९ मा नेपालमा जिएमओ मकै ‘बिटी कर्न’ को सफल परीक्षण भएको’ उल्लेख छ । उक्त परीक्षण कहाँ र कसरी गरिएको थियो भन्ने विषयमा प्रतिवेदनमा नखुलाइएको नागरिक दैनिकमा खबर छ । तर, बिटी कर्नको नेपाल प्रवेश अमेरिकी बहुराष्ट्रिय कम्पनी मोन्सान्टोले नै गराएको डब्लुपिआईले किटान गरेको छ

0 comments

Write Down Your Comment