Imge, समाचार » सुदुरपश्चिमका तराईका जिल्लामा शीतलहरले जनजीवन कष्टकर

बाँके, पौष ११ । बाँकेलगायत मध्य तथा सुदूरपश्चिमका तराईका जिल्लाहरुमा शीतलहर सुरु भएपछि अत्यधिक चिसोका कारण त्यस क्षेत्रको जनजीवन प्रभावित बनेको छ । चिसोका कारण अत्यावश्यक कामबाहेक मानिसहरु घरबाट बाहिर निस्कन सकेका छैनन् भने कार्यालयहरुमा सेवाग्राहीहरुको उपस्थिति पनि पातलिएको छ ।
स्थानीय अस्पतालहरुमा कोल्ड डाइरिया, रुघाखोकी, टाइफाइड तथा निमोनियाका विरामीको चाप बढेको छ भने स्थानीय प्रशासन कार्यालयले चिसोबाट नागरिकलाई जोगाउन आवश्यक गृहकार्य थालेको छ ।
शीतलहर तथा बाक्लो कुहिरोका कारण नेपालगञ्जबाट मध्यपश्चिम क्षेत्रका पहाडी तथा हिमाली जिल्लाको हवाई उडान समेत प्रभावित बनेको छ । शीतलहर तथा कुहिरोले आकाश ढाकेपछि पहाडी तथा हिमाली जिल्लाका सबै उडान मंगलबार देखिनै अवरुद्ध हुँदै आएको छ ।
यसैबीच पश्चिम तराईका जिल्लामा पनि एक सातादेखि बढ्दै गएको चिसोका कारण कैलालीका मुक्त कमैया, सुकुम्बासी, बृद्धबृद्धा, गर्भवती महिला तथा वालवालिका बढ प्रभावित भएका छन् । दिनभर घाम नलाग्दा सर्वसाधारणलाई घरबाट निस्कन मुस्किल परेको छ ।

0 comments

Write Down Your Comment