समाचार » अधिकारी हत्या आरोपमा अर्का पनि पक्राउ

चितवन, मंसिर २२ - गोरखा फुजेल- ७ का १८ वर्षीय कृष्णप्रसाद अधिकारीको हत्याको आरोपमा चितवन प्रहरीले अर्का एक आरोपीलाई पक्राउ गरेको छ ।
जिल्ला प्रहरी कार्यालय चितवनका प्रहरी नायब उपरी
क्षक सञ्जय राउतका अनुसार अजिव भनिने परशुराम पौडेललाई शुक्रवार बेलुका पक्राउ गरिएको हो । पौडेललाई भरतपुर- ९ स्थित शरदपुरमा रहेेको उनकै घरबाट पक्राउ गरिएको हो । पौडेललाई थप अनुसन्धानका लागि प्रहरी हिरासतमा राखिएको छ ।
आरोपीलाई शनिवार सार्वजनिक बिदा भएकाले म्याद थप गर्न नसकेको र आइतवार अदालतमा उपस्थित गराई म्याद थपेर अनुसन्धान थाल्ने प्रनाउ राउनले जानकारी दिए ।
प्रहरीका अनुसार मृतकका दाजु नुरप्रसादले ०६२ सालमा दिएको किटानी जाहेरीमा पौडेलको नाम पनि रहेकाले छानबिनका लागि पक्राउ गरिएको हो । एसएलसी दिएर चितवनको जयमंगलामा हजुरबाआमालाई भेट्न आएका बेला अधिकारीको २०६१ सालमा  हत्या भएको थियो ।
प्रहरीले यसअघि पनि एक जनालाई पक्राउ गरी छाडेको छ । अधिकारीका बाबुआमा भने न्याय माग गर्दै काठमाडौंमा आमरण अनसनमा बसेका छन् ।

0 comments

Write Down Your Comment