खेलकुद » सबै खेल जित्यो नेपालले

काठमाडौं, ११ पुस
 नेपालकी राष्ट्रिय क्रिकेट टोलिले श्रीलंङकामा खेलेका ४ वटै खेलमा जित हात पारेको छ ।

नेपालले आफ्नो पछिल्लो खेलमा विहीबार श्रीलंका ब्लुमफिल्ड क्रिकेट क्लबलाई १६ रनले हरायो ।

टस जितेर पहिले ब्याटिङ गरेको नेपालले निर्धारित ५० ओभरको खेलमा ८ विकेट गुमाएर २ सय ४६ रन बनाएको थियो ।

२ सय ४७ रनको विजयी लक्ष्य लिएर मैदानमा आएको घरेलु टोली ब्लुमफिल्ड ४९ दशमलव ४ ओभरमा २३० रनमा समेटिएपछि नेपालले खेल जितेको हो ।

लगातार चौथो जित दर्ता गर्ने क्रममा नेपालका कप्तान पारस खड्काले सर्वाधिक ६२ रनको महत्वपूर्ण पारी खेले । सुबास सकुरेलले ४१ र विनोद भण्डारीले २८ रन बनाए ।

आगामी मार्चमा न्युजिल्यान्डमा हुने वान डे विश्वकप छनोट खेल्नुअघि १० दिने अभ्यासका लागि नेपाली टोली श्रीलंका गएको हो ।

श्रीलंकामा रहँदा नेपालले यसअघि कोलम्बो कल्टस, मोर्स क्रिकेट र पोर्ट अथोरिटी क्लबलाई हराएको थियो ।

0 comments

Write Down Your Comment