Imge, समाचार » मोवाइल नचल्ने गाउँमा इन्टरनेट जोडियो

लमजुङ, पुस १५ – लमजुङको पर्यटकीय गाउँ भुजुङमा पहिलोपटक इन्टरनेट संचालन भएको छ । मोवाइल र टेलिफोन पनि नभएको यो गाउँमा अन्नपूर्ण संरक्षण क्षेत्र आयोजना (एक्याप) इलाका संरक्षण कार्यालयले इन्टरनेट जडान गरेको हो ।
कार्यालयका ९ वटा डेक्सटप र २ वटा ल्पापटपमा इन्टरनेट जोडिएको एक्याप भुजुङका लेखा तथा प्रशासन सहायक शिव थापाले जानकारी दिनुभयो । पोखराको गोरेटो कम्युनिकेसनले नाल्माको सितलेस्वाँरमा टावर निर्माण गरेर एक्यापमा ५ सय १२ केबिपिएस क्षमताको इन्टरनेट जडान गरेको हो । भुजुङ गाउँभरि इन्टरनेट चलाउन मिल्ने गरी टावर राखेको थापाले वताउनुभयो ।
अब इन्टरनेटबाटै देशविदेशमा कुरा गर्न र खबर थाहा पाउन सकिने भएपछि स्थानीयवासिन्दा खुसी भएका छन् । यसले कार्यालयको काममा पनि सजिलो हुने एक्याप भुजुङका प्रमुख राजेशप्रसाद गुप्ताले वताउनुभयो । मोवाइल फोन पनि चलाउन नपाएका पर्यटकले पनि अब इन्टरनेटबाट खबर आदानप्रदान गर्न पाउने भएका छन् ।
गाउँमा इन्टरनेट सुविधा पुगेपछि स्थानीय वासिन्दाले साइबर क्याफे खोल्ने तयारी पनि गरेका स्थानीय बृजबहादुर गुरुङले वताउनुभयो ।

0 comments

Write Down Your Comment