समाचार » विमानस्थलमा अब नयाँ ट्याक्सी प्रयोगमा ल्याइने

काठमाडौं, पौष २१ । त्रिभुवन अन्तर्राष्ट्रिय विमानस्थलमा रहेका वर्षौ पुराना ट्याक्सी विस्थापित गरि नयाँ ट्याक्सी प्रयोगमा ल्याइएको छ । नेपालको एक मात्र अन्तर्राष्ट्रिय विमानस्थलमा ४० वर्षसम्मका पुराना ट्याक्सीको प्रयोगले अन्तर्राष्ट्रिय पर्यटकमा नराम्रो सन्देश गएको थियो । विमानस्थलमा आजदेखि कुनै पनि पुराना ट्याक्सीको प्रयोग नहुने बताइएको छ ।
आज विमानस्थलमा एक कार्यक्रम गरी नेपाल नागरिक उड्डयन प्राधिकरणका महानिर्देशक रतिशचन्द्रलाल सुमनले पर्यटकका लागि प्रयोगमा ल्याएको नयाँ ट्याक्सीको सुरुवात गरेका हुन् । विमानस्थलमा पुराना ट्याक्सी हटाई नयाँ प्रयोग गर्ने भनिएपनि ट्याक्सी चालक एवं कर्मचारी ट्रेड युनियनबीच विवाद रहदै आएको थियो ।
विमानस्थल कार्यालयमा रहेका कर्मचारी युनियनबीच सहमति भएपछि नयाँ ट्याक्सी प्रयोगमा ल्याउन सकिएको कर्मचारीहरुले बताएका छन् । पर्यंटकका लागि लक्षित गरी १ सय ८२ वटा नयाँ ट्याक्सी प्रयोगमा ल्याइएको छ ।
यी नयाँ ट्याक्सी प्रयोगमा ल्याउन विभिन्न बैंक तथा वित्तिय संस्थाहरुले सहयोग गरेका छन् । हाल प्रयोगमा ल्याइएका ट्याक्सीहरुमा फोर्ड र सुजुकी ब्राण्डका गाडीहरु रहेका छन् । यसले नेपालको विमानस्थलको छविमा केहि सकारात्मक सन्देश जाने विश्वास विमानस्थलले गरेको छ ।

0 comments

Write Down Your Comment