समाचार » कैदी भागेको घटनापछि ४ प्रहरी निलम्बित

बझाङ, पुस २८ – कैदी भागेपछि कारागारमा खटिएका ४ जना प्रहरीलाई निलम्बन गरिएको छ ।
घटनामा संलग्न रहेको आशंकामा प्रहरी सहायक निरीक्षक तेजराम चौधरी, प्रहरी हवल्दार चन्द्रबहादुर शाही, प्रहरी जवान सन्तोष भट्ट र खुशीराम चौधरीलाइ निलम्बन गरिएको क्षेत्रीय प्रहरी प्रमुख डिआइजी जयबहादुर चन्दले बताउनुभयो ।
घटना अध्ययनका लागि क्षेत्रीय प्रहरी कार्यलयले टोली गठन गरेको छ । कर्तव्य ज्यान मुद्दामा सजायँ भोगिरहेका मौलाली ४ रकैलका १९ बर्षका धनराज खत्री र सुर्मा ३ का २३ बर्षका बालम बोहरा शनिबार बेलुका बझाङ कारागारको पर्खाल नाघेर भागेका थिए । ‘कारबाही सुरु भै सकेको छ, दोषी तुरुन्त पक्ता लागिहाल्छ’  चन्दले भन्नुभयो ।
घटनाको अनुसन्धान गर्न एसएसपी लव बिष्ट, प्रहरी निरीक्षक ज्ञानबहादुर सेटी लगायतको टोली धनगढीबाट बझाङ आइपुगेको र अनुसन्धान सुरु गरिएको जानकारी प्रहरीले दिएको छ । फरार कैदीको भाग्न सक्ने सम्भावित क्षेत्रमा नाकाबन्दी गरिएको छ ।

0 comments

Write Down Your Comment