» गसिप : रेजिनाको बिहेमा शोभितले भने, ‘आजको हाइलाइट मै होला’

नायिका रेजिना उप्रेतीको बिहेमा केही फरक गेटअपमा पुगेका निर्देशक शोभित बस्नेत मिडियाको माझमा घेरिए । रंगिन बजारमा रेजिनाको सिने करिअरलाई चम्काउन शोभितको महत्वपूर्ण भूमिका रहेको चर्चा पनि नचलेको होइन । यसैले पनि रेजिनाको बिहेमा शोभित बस्नेतको उपस्थिती धेरैका लागि मसला हुनु स्वभाविक नै थियो ।


शोभित आउने वित्तिकै रेजिना र उनका पति केही समयका लागि हराए । जसका कारणले पनि शोभितले लामै समय रेजिनालाई भेट्न पर्खनुपर्‍यो । अनलाइनखबरसँग कुरा गर्दै शोभितले बिहेको हाइलाइट आफू र आफूले ल्याएको गिफ्ट नै भएको प्रतिक्रिया दिए । चलचित्रकर्मीले पनि शोभित बस्नेतसँग विभिन्न खालका कुरा गर्दै उनलाई जिस्काएको स्पष्ट देखियो । लण्डनमा बस्दै आएका सुरज पोख्रेलसँग रेजिनाले शनिबार बिहे गरेकी हुन् । 

0 comments

Write Down Your Comment