समाचार » नरेशको फोटो अब टिसर्टमा, मह जोडीले गरे सम्मान

 स्टेज कार्यक्रमदेखि रेडियोमा समेत निक्कै सफल मानिएका संचारकर्मी नरेश भट्टराई काठमाण्डौमा आयोजना भएको एक कार्यक्रममा सम्मानित भएका छन् । उनलाई ‘भ्वाइस अफ नेपाल’ उपाधीबाट सम्मानित गरिएको हो । बिगत १७ बर्षदेखि बोलीकै कारणले चर्चामा रहेका भट्टराइलाई कलश इभेन्ट्सले एक कार्यक्रमको आयोजना गर्दै यो उपाधी दिएको हो । कार्यक्रममा प्रमुख अतिथी हाँस्य कलाकारद्धय मदनकृष्ण श्रेष्ठ र हरिवंश आचार्यको हातबाट उनलाई सम्मान प्रदान गरिएको हो । कार्यक्रममा नरेशको सम्मानमा तयार पारिएको चित्र अंकिट टिसर्ट पनि सार्वजनिक गरिएको थियो ।


 आफ्नो तस्बिर अंकित टिसर्ट सार्वजनिक भएपछि भट्टराई निक्कै खुशी देखिएका थिए । टिसर्टमा भट्टराइले माइक्रोफोनका अगाडि कार्यक्रम चलाउँदै गरेको तस्बिर राखिएको छ । भट्टराइले सम्मानित भएपछि खुशी व्यक्त गर्दै आफ्नो बोल्ने कलालाई जारी राख्ने बताए । कार्यक्रममा मह जोडीका साथै यादव खरेल, बसुन्धरा भुषाल, दिनेश अधिकारी, सुनिल रावल लगायतका अतिथी पुगेका थिए । नेपाली संचार जगतमा नरेश भट्टराई एउटा चर्चित नाम हो ।

0 comments

Write Down Your Comment